Холбогдох заавар

Мэдээлэл авах, солилцох хүсэлтэй аливаа байгууллага нь Цахим Хөгжил Инновац Харилцаа Холбооны Яамтай гэрээ байгуулсаны үндсэн дээр сүлжээ, системийн тодорхой шаардага хангасны дагуу ХУР төрийн мэдээлэл солилцооны системд холбогдох боломж бүрдэх юм.

ХУР системийн VPN сүлжээнд холбогдох дараалал

Алхам 1: Мэдээлэл солилцох

Холбогдох хүсэлтэй байгууллага нь өөрийн төлөөлөн харилцах ажилтны мэдээлэл, цахим шуудангийн хаягийг албан бичгээр/гэрээгээр “Үндэсний дата төв”-д илгээн баталгаажуулна.

Алхам 2: Нийтийн түлхүүр солилцох

Баталгаажсан цахим шуудан дээр PGP хос түлхүүр үүсгэн нийтийн түлхүүрээ солилцоно. Солилцохдоо https://pgp.datacenter.gov.mn/ цахим хуудсыг ашиглана. Цахим шуудангаар харилцах бүрт PGP түлхүүрээр зайлшгүй баталгаажуулсан байна.

Алхам 3: Хүсэлт илгээх

VPN сүлжээнд холбогдох хүсэлтээ “Үндэсний дата төв”-ийн security@datacenter.gov.mn цахим шуудангийн хаягаар илгээнэ. Тус хүсэлтэд дараах мэдээллийг багтаасан байна: хандах хаягийн мэдээлэл (гадаад IP хаяг); сертификат дээр бичигдэх мэдээлэл — байгууллагын албан ёсны нэр, хэлтэс нэгжийн нэр, цахим шуудангийн хаяг.

“Үндэсний дата төв”-өөс мэдээллийн дагуу хандалтын эрх, гэрчилгээ, хэрэглэгчийн нэр, нууц үгийг үүсгэн илгээнэ.

VPN сүлжээний нууцлал хамгаалалт

VPN	OpenVPN
Хэрэглэгчийг таних	Гэрчилгээ, хэрэглэгчийн нэр, нууц үг
Түлхүүрийн хэмжээ	`2048 bit RSA`
Удирдлагын суваг	`TLSv1.2`
Шифрлэлт	`TLSv1/SSLv3` \| `ECDHE-RSA-AES256-GCM-SHA384`
Холбогдох порт	`1194/udp`
Гарах өгөгдлийн суваг	`Cipher 'AES-256-GCM' 256 bit key`
Орох өгөгдлийн суваг	`Cipher 'AES-256-GCM' 256 bit key`

Сүлжээний холболт үүссэн тохиолдолд xyp.gov.mn домэйн нэрийг x.x.x.x хаягт зааж 443/tcp порт-д хандаж https хандалтыг шалгана.

Cистемд холбогдох

"Үндэсний дата төв" УТҮГ-аас өгсөн нэвтрэх нэр, нууц үгээр нэвтрэн OpenVPN Connect хэрэглэгчийн программыг өөрийн тохирох үйлдлийн системийг сонгож татаж суулгана. OpenVPN Connect хэрэглэгчийн программыг эндээс татаж авна уу.

Татаж авсан файлыг ажиллуулснаар дараах суулгац гарч ирнэ.

Next товчийг дарж суулгана. Суулгаж дууссаны дараа Profiles хэсгээс On/off товч дээр дарж ҮДТ УТҮГ-аас өгсөн нууц үгийг оруулна.

Хэрэв profiles хэсэгт дараах байдлаар харагдахгүй байгаа бол ҮДТ УТҮГ-аас өгсөн тохиргооны файлыг import хийж оруулна.

Амжилттай холбогдсон бол CONNECTED төлөвтэй болж сүлжээний хандалтын график гарч ирнэ.

Мөн нэвтэрсэн хэрэглэгчийн нэр, таны авсан дотоод хаяг, серверийн хаяг, серверийн порт зэрэг харагдана.

Гэрчилгээ нэмэх

Root CA certificate гэрчилгээ нэмэх.

Гэрчилгээ татаж авах холбоос:

Үндэсний суурь гэрчилгээ: MNRCA-2021 суулгах
Үндэсний олгох гэрчилгээ: MNICA-2021 болон 2022 суулгах
xyp.gov.mn-ний гэрчилгээ татаж авах

Cистемийн Trusted root certificate-д татаж авсан MNRCA-2021 гэрчилгээг суулгах.

Cистемийн Intermediate Certificate-д татаж авсан MNICA-2021, MNICA-2022 гэрчилгээг суулгах. Command promt нээж гэрчилгээ татаж авсан хавтас руу шилжсэний дараагаар дараах коммандыг бичнэ:

cmd

certutil -addstore -f "ROOT" MNRCA.cer
certutil -addstore -f "ROOT" MNICA.cer

Java хөгжүүлэлтийн орчинд Trust Store-т Root Certificate нэмэх. Command promt нээж гэрчилгээ татаж авсан хавтас руу шилжсэний дараагаар дараах коммандыг бичнэ.

JRE_HOME тохиргоо

Таны системд JAVA суулгасан JRE_HOME хавтас дараах байдалтай байна. Жишээлбэл:

C:/Java/<Java version jre>

Дараах командыг ашиглан гэрчилгээг truststore-д нэмнэ:

cmd

JRE_HOME/bin/keytool -import -trustcacerts -alias certAlias -file MNICA.cer -keystore trustStoreFile

Сүлжээний хандалт шалгах

Windows hosts файлд өөрчлөлт хийх (Administrator эрхээр)

Notepad-ийг Administrator эрхтэй нээх
- Start цэснээс notepad гэж хайна.
- Гарч ирсэн Notepad програм дээр баруун товч дарж Run as Administrator (Администраторын эрхээр ажиллуулах) гэснийг сонгоно.
hosts файлыг нээх
- Notepad дотроос Ctrl + O дарж Open цонхыг нээнэ.
- Доорх замыг бичээд Enter дарна:
text
```
C:\Windows\System32\drivers\etc\hosts
```

hosts файл харагдахгүй байгаа бол Text Documents (*.txt) хэсгийг All Files (*.*) болгон өөрчилнө.

Шинэ мөр нэмэх — файлын доод хэсэгт дараах мөрийг нэмнэ:
text
```
x.x.x.x   xyp.gov.mn
```
Энэ нь xyp.gov.mn домэйныг xyp системын IP рүү чиглүүлнэ.
Файлыг хадгалах — Ctrl + S дарж хадгална эсвэл File → Save ашиглана.

Үүний дараа Command Prompt, Powershell аль нэгийг нээж ping коммандыг ажиллуулна.

cmd

ping xyp.gov.mn

Амжилттай хандаж байгаа бол дараах байдалтай харагдана.

curl команд ашиглах (Windows-д зориулсан)

cmd

curl -v http://xyp.gov.mn

Амжилттай хандаж байгаа бол дараах байдалтай харагдана.